МИЊОНИТЕ И ДЕДО МРАЗ е празнична приказна која обединува музика, хумор и вредности кои остануваат  за цел живот.

Дејството се одвива во работилницата на Северниот Пол, каде што веселите Мињони – полни со ентузијазам и радост се обидуваат да му помогнат на Дедо Мраз во подготовките за најубавата ноќ во годината, притоа правејќи огромен неред, со кој може да се справи само Дедо Мраз.

Преку духовити ситуации, песна и смеење, децата учат дека секој може да згреши, но најважно е да научиме да простуваме и да си подадеме рака и помагаме едни на други. Да признаеме дека сечиј труд е вреден и дека радоста треба да ја споделуваме со другите.

Претставата изобилува со хумор, музика, танц, и интеракција со дечињата во публиката.

Дедо Мраз не се појавува само на крај, туку е активен лик во целата претстава – тој е ментор, пријател и симбол на добрината.

ЕДУКАТИВЕН И ВОСПИТЕН АСПЕКТ 
Претставата, покрај забавната форма, има и силна воспитна порака. 
Децата на природен и ненаметлив начин се поттикнуваат на другарство, соработка, одговорност и почитување на трудот.

Во претставата играат: Роберт Ристов, Радо Алексовски и Мирјана Поповска Ристов.

РЕЖИЈА: Роберт Ристов